མོག་ཟླ
ཐག་རིང་གི་སྐྱེ་དགུ་མདོ
ཐག་ཉེ་ནས ཧ་ཅང་ཉེ་ས་ནས
བདག་གི་མིག་མདུན་བརྒྱུད་དེ
གས་ཆག་གི་ཨ་སྔོན་དང་གཙབ་ཧྲུལ་གྱི་དོག་མོ
གཅེར་རྗེན་དུ་མངོན་དུས
ང་དངོས་ནས་ཧད་པར་བྱས ཧད་པར་བྱས
ཁང་ཆག་དང་གྱང་རལ ཤི་གསོན་གྱི་མིག་འབྲས
བརྙན་འཕྲིན་དང་དྲ་ངོས་ལས་མཐོང་དུས
ལུས་པོ་འདར་ཞིང་སེམས་པ་འདར
འདར་སིག་སིག་གི་སྐད་སྒྲས་གྱང་གོག་བརྟོལ
རྫ་སྐྱེ་དགུ གཙང་གསུམ་མགོ་ཁུངས་ཀྱི་ཁྱེད
ནམ་ཡང་བདག་གི་མཆིན་པའི་གཏིང་དུ་འབྱར
བདག་ལུས་ལ་མཆོད་མེ་སྟོང་ཕྲག་བསྒྲོན་པ
འབུ་མེ་ལྕེབས་ཤིག་གི་ངང་ཚུལ་ལས་མ་འདས་ནའང
ཁྱེད་ལ་མཆོད་ཅིང་ཁྱེད་ཀྱི་དོན་དུ་བསྲན་ནུས་པ་ཡོད་ཚད
སྐྱེ་འཆི་གྲངས་མེད རྣམ་ཤེས་གྲངས་མེད
ད་དུང འཇིག་རྟེན་འདིའི་ཤེས་རབ་དང་བརྩེ་བ
ལག་ཟུང་དང་ཤེ་མོང་ཡོད་དགུ མེ་དང་ཆུ་ལ་སྦྱངས་ཏེ
ཞུགས་འབུལ་བྱས་དང་བྱེད་ཀྱིན་པ་དག་་་ ་་་
བརྩེ་བ་འདོར་སའི་སྣོད་དེ་རལ་སོང
མིག་ཆུ་འབྱིད་སའི་རས་དེ་ཁུར་སོང
ལོ་རྒྱུས་བཞུར་སའི་མདོ་དེ་འགག་སོང
ང་ཡི་སྙིང་གི་མི་དེ་གར་སོང ཡར་ལོངས་དང
སྐྱེ་དགུའི་མི མིག་ཆུ་ནི་ཐེངས་གཅིག་འཛུམ་པ་ཙམ
ཁྱེད་ཀྱི་མདུན་རྒྱབ་ན་ལག་ཟུང་མང་པོས་རུབ་རུབ་བྱེད་ཀྱིན་འདུག
༢༠༡༠ ༤ ༢༨
ས་དུག་ལ་ང་གུང་ཁྲན་རིང་ལུགས་ཀྱིས་ནང་བསྟན་ཆོས་ལུགས་ཀྱི་བླ་སྤྲུལ་ངོས་འཛིན་བྱ་རྒྱུའི་སྐོར་ལ་དཔྱད་པའི་གཏམ།
-
གཞུང་པ་ཚེ་དབང་བསོད་ནམས། སྐྱེ་བ་སྔ་ཕྱི་དང་། ལས་རྒྱུ་འབྲས།
ཚེ་འདི་ཕྱི། བྱམས་སྙིང་རྗེ། གཞན་ཕན་བྱང་སེམས།
རང་ལས་གཞན་གཙོ་བོར་འཛིན་པའི་བློ།
གཞན་ལ་གན...
1 day ago
No comments:
Post a Comment
ང་ཚོས་ཡུལ་ཤུལ་གྱི་སྤུན་མཆེད་ཤི་གསོན་གཉིས་ལ་བསྔོ་སྨོན་མ་ཎི་དང་ཞལ་འདེབས་རོགས་རམ་ཅི་ཐུབ་གནང་དགོས།