ཆོས་ཤུལ་གསང་བདག
ས་གཞིའི་འགུལ་འདར་ཐེངས་ཤིག་གིས
ཚེ་སྲོག་གྲངས་མེད་ལ་ཀུ་རེས་རྩེས་སོང་
ཀུ་རེས་རྩེད་པ་ག་ལ་ཡིན་སྲིད
ས་གཞི་ལགས འདོད་ཁམས་ལགས
མིག་ཆུའི་ནང་དུ་བཞུར་ཚེ་སྲོག
ཚེ་སྲོག་གི་རྒྱུ་བ རྣམ་ཤེས་སུ་འཁྱུད་པའི་དུས་སུ
སྐྱབས་འཇུག་གི་ཞུའམ འོ་དོད་འདོན
སྙིང་ཉེ་བའི་སྤུན་ཟླ་མིང་སྲིང་ཚོ
ས་གཡོམ་ཐེངས་ཤིག་གིས་བཞག་པའི་མྱ་ངན
མཆོད་མེ་རུ་སྦར་བའི་མྱ་ངན་ཞུ་ཚིག་དག
ཁྱེད་ཚོའི་མདུན་དུ་བཀྲམས་ཡོང
ཆེས་ཐག་རིང་གི་སྤུན་ཟླ་མིང་སྲིང་ཚོ
ང་ཡི་སྙིང་ཁར་འཐིམ་བཞིན་པའི་ཤ་ཉེ་སྤུན་མཆེད་ཚོ
ས་ཡི་གོ་ལའི་འཇིགས་ཟིལ་ཐེངས་ཤིག་གིས
འུ་ཚོར་མཆི་མ་འདོན་དུ་བཅུག་སོང
འུ་ཚོར་འོ་དོད་འཆོར་དུ་བཅུག་སོང
ཡོམ་ཡོམ་འགུལ་བའི་ས་གཞི
སྲོག་དབང་གི་བདག་པོ་ཡིན་ནམ
འདར་སིག་སིག་གཡོ་བའི་ས་ཡི་གོ་ལ
ཉེས་མེད་ཀྱི་ཚེ་སྲོག་གི་གཉེན་པོ་ལགས་སམ
བརྙན་འཕྲིན་མདུན་ནས་ཤོར་བའི་མིག་ཆུ
མིག་ཆུ་ལུང་བ་གང་བོ
ཁྱོད་ཚོ་དང་མཉམ་དུ་ཡོད་པར་སྨོན
གློག་ཀླད་སྔུན་དུ་བཞུར་བའི་མཆི་མ
མཆི་མ་ཕོར་བ་གང་བོ
ཡུལ་ཤུལ་དུ་བབས་པའི་ཁ་བ་དེ་ཡིན་སྲིད
ཡུལ་ཤུལ་གྱི་སྤུན་ཟླ་མིང་སྲིང་ཚོ
ང་རང་ཁྱེད་ཚོ་དང་མཉམ་དུ་ཡོད
དཀོན་མཆོག་ཁྱེད་ཚོ་དང་བཞུགས་སྲིད
ཡུལ་ཤུལ་གྱི་སྤུན་ཟླ་མིང་སྲིང་ཚོ
ང་ཡི་སྨོན་འདུན་ཁྱེད་ཅག་གི་ཡིན
ཁྱེད་ཚོའི་མིག་ཆུ་ང་ཡི་ཡིན་ཡང་སྲིད
༢༠༡༠ལོའི་ཟླ༤པའི་ཚེས༢༠ཉིན་ཡུལ་ཤུལ་ས་འགུལ་སྐོར་གྱི་བརྙན་འཕྲིན་ལ་བལྟས་ཀྱིན་བལྟས་ཀྱིན་སེམས་སྡུག་སྟེ་མིག་ཆུ་དབང་མེད་དུ་ཤོར་བའི་རྗེས་ཀྱི་ཚོར་སྣང་ཐད་ཀར་སྦྱར་བ།
བྱ་རྒན་གོ་བོ་ཚོ་ལ་བཟློ་བ།
-
བློ་གྲོས་རབ་བརྟན། ཆོས་འཐུས་ཚོར་བལྟས་པས་རྙེད་དོན་གང་བྱུང་མ་བྱུང་།
ཀྭ་ཡེ་ཆོས་འཐུས་མིང་འཛིན་མགོ་རིལ་ཨ་ཕོ་འདི་ཚོས།།
ཁ་འདོན་བཞག་སྟེ་ནང་འཁྲུག་རྒྱག་པར་སྤྱི་འཐུས་ར...
4 days ago
No comments:
Post a Comment
ང་ཚོས་ཡུལ་ཤུལ་གྱི་སྤུན་མཆེད་ཤི་གསོན་གཉིས་ལ་བསྔོ་སྨོན་མ་ཎི་དང་ཞལ་འདེབས་རོགས་རམ་ཅི་ཐུབ་གནང་དགོས།