ལྷིང་འཇགས་ཀྱི་དར་མདོ་ན་སྡུག་གི་འོ་དོད་གཅིག་ཡོད།

ཀ་ཀོ་ལ།

སྡུག་གི་ཐོ་བས་ནམ་རྒྱག་ཆ་མེད་རེད།།
སྐྱིད་ཀྱི་སྔ་མ་ནམ་ཆད་ཚོར་མེད་རེད།།
སྐད་ཅིག་འགུལ་བའི་མི་རོ་བརྩེགས་གྱུར་བའི།།
རིགས་གཅིག་ཡུལ་ཤུལ་འདས་པོ་སྙིང་རེ་རྗེ།།

དད་པ་གང་ལ་གཏད་ཀྱང་ཚོར་མེད་རེད།།
རེ་བ་སུ་ལ་ཞུས་ཡང་ཕན་མེད་རེད།།
སྐུ་གསུང་ཐུགས་གྱི་མདུན་ནས་བཞུད་ཟིན་པའི།།
རིགས་གཅིག་ཡུལ་ཤུལ་འདས་པོ་སྙིང་རེ་རྗེ།།

སྐྱེས་པ་དོན་ལྡན་བསམ་ན་ཡིད་དགའ་ཡང་།།
འཆི་བ་གློ་བུར་སྙམ་ན་གཟུགས་འདར་གི །
བསམ་དབང་དྲན་དབང་མེད་པར་གཏོར་སོང་བའི།།
རིགས་གཅིག་ཡུལ་ཤུལ་འདས་པོ་སྙིང་རེ་རྗེ།།