མྱ་ངན།

འབྲོག་རུ་ཆོས་གྲགས།

ས་ཆེན་ཡོམ་ཡོམ་འདར་བའི་དུས་ཀྱི་ཚེ་སྲོག་སྟོང་གི་གཤེད་མ་དེས།།
ཕ་འཛོམས་མ་འཛོམས་ཁ་ཁར་བཏང་ནས་སེམས་པ་མང་བོ་སྡུག་ལ་སྦྱར།།
མགོ་ལུས་ཡོངས་སུ་ཁྲག་ལ་བརྫིས་ནས་ཁྱིམ་གཞིས་དྲོད་མོ་རྒྱང་དུ་བསྐྱལ།།
ང་ཡི་སྙིང་ཁུང་རུས་པའི་གཏིང་ནས་མྱ་ངན་དྲག་པོའི་གདུང་འབོད་ཞུ།།

ཉི་མ་རེ་ལ་ཤི་གྲངས་འཕར་ན་སེམས་ཀྱི་ན་ཟུག་ཇེ་མང་རེད།།
ས་ཡོམ་རྒྱུགས་པའི་ཡུལ་དངོས་མཐོང་ན་མིག་མཐའི་མཆུ་མ་ཇེ་མང་རེད།།
མིག་ལམ་རབ་རིབ་གྱུར་བའི་ཁྲོད་ནས་ཤི་བས་ལམ་སྣ་ཟིན་རྒྱུ་དང་།།
གསོན་པའི་བར་ཆད་སེལ་བའི་ཆེད་དུ་སྐྱབས་འཇུག་གྲངས་མེད་ཡང་ཡང་ཞུ།།

༢༠༡༠ ༤ ༡༩